Tamiet dwar il-'ħajt fiskali'

Il-President Barack Obama qed jittama li tinstab soluzzjoni malajr għall-hekk-imsejjaħ 'ħajt fiskali' ta' żidiet fit-taxxa u qtugħ fl-infiq li jidħlu fis-seħħ awtomatikament f'każ li l-politiċi jonqsu minn ftehim dwar ir-regoli fiskali ġodda sal-aħħar tas-sena. 

Intant, il-White House ta' Washington sostna li għandu jaħdem mal-Kungress biex jintlaħaq ftehim reċiproku qabel id-deadline indikat għall-ewwel ta' Jannar u wara li r-Repubblikani fl-Oppożizzjoni warrbu għal vot fil-Kungress rigward proposta li kienet iżżid it-taxxa fuq l-Amerikani li jaqilgħu aktar mill-medja. 

Intant, kienu r-Repubblikani 'tal-lemin' li ċaħdu l-pjan li tressaq mill-Ispeaker (Repubblikan) tal-Kamra John Boehner, bl-analisti jtennu li dan l-iżvilupp spiċċa 'jdgħajjef' il-pożizzjoni tal-istess Boehner fin-negozjati mal-Gvern (Demokratiku) ta' Obama.