Qormi u Floriana ma' joffru xejn

0 QORMI   - M. Farrugia, K. Thackray, M. Bartolo, J. Chetcuti, A. Bello-Osagie, L. Sciberras, M.Gauci, J. Bondin, S. Wellman, M. Avila Perez, L. Grech

Sost –   A. Effiong flok J. Chetcuti 55 min., C. Camoin flok L. Grech 65 min., A.Cassar flok M.Bartolo 82 min.

 

0 FLORIANA    -   T. Warner, K. Farrugia, C. Tremarco, O. Bugeja, T. Paris, D. Pisani, J. Borg, R. Darmanin, B. Farrugia, C. Borg, S. Borg

Sost-  L. Casha flok R. Darmanin 71 min.

Imwissija -    B. Farrugia , Tremarco (F)

Referee  -    Kevin Azzopardi

Player tal-Logħba –  Moses Avila Perez (Qormi)

Qormi u Floriana spiċċaw il-konfront ta' bejniethom fi draw ta' mingħajr gowls f'logħba li kienet nieqsa ħafna mill-azzjonijiet. Riżultat li ma' għen lil ħadd biex issa t-tnejn li huma konxji li ser ikunu qegħdin jilgħabu fir-Relegation Pool. Iż-żewġ timijiet tilfu fl-aħħar konfronti tagħhom fejn Qormi tilfu kontra Balzan filwaqt li Floriana sfaw megħluba minn Mosta inċidentalment bi skor identiku ta' 2-1. Għal Qormi ddebuttaw Moses Avila Perez, Clyde Camoin u Alfred Effiong bit-tnejn tal-aħħar jidħlu bħala sostituti. Huma kellhom lil Edison Bilboa Zarate sospiż filwaqt li aktarx li għal Bello-Osagie din kienet l-aħħar logħba peress qed jissemma li ser jingħaqad ma' Sliema.

 

Floriana li neħħew lil Tyrone Farrugia matul din il-ġimgħa kienu mingħajr Mark Spiteri u Trevor Cilia filwaqt li Igor Coronado kien sospiż. Fl-ewwel round il-konfront bejn dawn iż-żewġ timijiet spiċċa fi draw ta' 2-2. Kien biss fit-22 li waslet l-ewwel azzjoni denja fejn xutt ta' Leighton Grech ġie mdawwar f'corner minn Warner.  Għaxar minuti wara konklużjoni mid-distanza ta' Brooke Farrugia falliet il-mira għal ftit. Biex lejn tmiem l-ewwel taqsima Qormi kellhom żewġ ċansijiet li jiftħu l-iskor. Fl-40 minuta Chetcuti qassam lejn Grech li pprova jqabbeż iżda Bugeja kklerja qabel seta' jikkonkludi Avila Perez. U fit-42 minuta free kick ta' Wellman kien salvat minn Warner mgħejjun mill-mimduda.

 

Mal-bidu tat-tieni taqsima Qormi tilfu ċans ieħor hekk kif fuq cross ta' Avila Perez kien Bondin li minn quddiem il-lasta spara għoli. Biex għal kumplament tat-taqsima l-logħob żvolġa l-aktar f'nofs il-ground fejn kien biss għaxar minuti mit-tmiem li Floriana resqu viċin b'xutt ta' Luca Casha li Farrugia dawwar f'corner.

 

Biex l-aħħar azzjoni tal-logħba waslet fil-żin mogħti żejjed meta kien Avila Perez li pprova jsib lil Effiong iżda l-ballun  ma' wasalx għand l-attakkant Qormi.