13 ta' Jannar, 2013
19:16 CET |
Fir-range tal-Federazzjoni Maltija tal-Isparar fil-Bidnija, saret kompetizzjoni Trap għat-Trofew Attard Brothers, fuq 125 plattina, skont ir-regolamenti l-ġodda tal-Federazzjoni Internazzjonali tal-Isparar.
L-aħjar sitt tiraturi għaddew għas-semi-finali fuq 15-il plattina biex jiġu ddeterminati l-finalisti. Is-semi-fianlisti kienu Jeffery Pisani, Brian Galea, Dr. James Galea, Nazzareno Attard, Alvin Vella u Noel Attard.
Fil-finali, James Galea kellu sfida ma’ Brian Galea, u kien tal-ewwel li laqat 12 kontra d-9 ta’ Brian Galea.
Jeffrey Pisani spiċċa fit-tielet post, filwaqt li wara shoot-off bejn Nazzareno Attard u Alvin Vella, kien Attard li temm fir-raba’ post. Fis-sitt post ġie Noel Cini.
Klassi A> intrebħet minn George Cassar b’47 minn 50 qabel Stephen Vella u Jason Aquilina.
Klassi B> fl-ewwel post Rudolph Zammit b’40 minn 50 qabel Emmanuel Attard u Carmel Mallia.
Klassi Ċ> intrebħet minn Frans Chetcuti b’35 minn 50 qabel Pierre Montebello u George Grech.
|
sezzjoni: sport
Ċentri tas-saħħa
