3 ta' Jannar, 2013
15:38 CET |
F'dawn l-aħħar snin il-Kunsill Lokali tar-Rabat Għawdex organizza attività lejlet l-ewwel tas-sena bis-sehem ta' artisti rinomati.
L-attività, sena wara l-oħra, kienet suċċess, u tmiem is-sena 2012 ma kinitx xi eċċezzjoni.
Fil-fatt, anke din is-sena, propju fis-sigħat li matulhom ingħatat merħba lis-sena 2013, l-attivitajiet fir-Rabat Għawdex kienu suċċess bħalma kienu dawk li ġew organizzati fil-Belt Valletta u fil-Furjana fejn għal sena oħra ttella' spettaklu biż-żewġ kunsilli hadmu flimkien sabiex jorganizzaw iċ-ċelebrazzjonijiet.
F'Għawdex, il-pubbliku seta' jiċċelebra lejlet l-ewwel tas-sena grazzi għall-attività "2013 New Year's Eve in the City" organizzata mill-Kunsill Lokali tar-Rabat. Bl-attrazzjonijiet prinċipali jkunu fi Pjazza Indipendenza u Pjazza San Gorg bis-sehem ta' diversi bands kif ukoll spettaklu tan-nar.
Samuel Azzopardi, is-sindku tar-Rabat, spjega wkoll kif għalkemm għadna nibdew sena ġdida xorta waħda l-Kunsill Lokali tar-Rabat Għawdex għandu l-ħsieb li, fl-aħħar ta' din is-sena, tigi organizzata attività simili li għaliha jattendu mhux biss l-Għawdxin imma anke l-Maltin li jagħżlu li jaqsmu lejn Għawdex, kif ukoll it-turisti li jżuru pajjiżna matul iż-żminijiet tal-Milied u lejlet l-ewwel tas-sena.
Is-Sindku tar-Rabat Għawdex temm jgħid li is-suċċess tal-attività ma kienx biss mil-lat ta' attendenza imma wkoll mill-aspett kummerċjali.
|
sezzjoni: Għawdex
Ċentri tas-saħħa
