Skopert il-pajsaġġ moħbi ta' Malta

Pajsaġġ terrestri fi stat ta' preservazzjoni eċċezzjonali mgħarraq fl-ilmijiet mal-kosta tal-Gżejjer Maltin li juri d-dehra tal-arċipelagu t'20,000 sena ilu, ġie skopert minn xjenzati tal-baħar.  

Il-livell tal-baħar li għola matul dawn l-aħħar 20,000 sena, għarraq 450 kilometru kwadru ta' dan il-pajsaġġ. Ix-xjenzati tal-baħar sabu li li l-Irdum ta' {ad-Dingli kien 380 metru 'l fuq mil-livell tal-baħar, u dan ifisser li l-parti l-kbira tal-Gżejjer Maltin illum tinsab taħt l-ilma. Il-Belt Valletta kienet tinsab 10 kilometri 'l ġewwa mill-kosta u l-kosta minn Marsalforn sa Pembroke kienet tikkonsisti f'irdum wieqaf mal-kosta  li kien imnaqqax b'aktar minn 20 wied. 

Tim internazzjonli ta' ġeoloġisti għamel rikostruzzjoni bl-akbar dettall tal-maġġoranza ta' dan il-pajsaġġ mgħarraq permezz ta'stħarriġ ta'qiegħ il-baħar madwar il-gżejjer Maltin b'tekonoloġija avvanzata li tipproduċi mapep. Ir-riżultati ta' dan l-istudju, li huma importanti għal diversi raġunijiet, se jiġu ppubblikati fil-ġurnal internazzjonali ewlieni 'Marine Geology' li jirraporta żviluppi fil-ġeoloġija tal-baħar u l-ġeofiżika. Fost oħrajn, dam l-istudju, li kien immexxi minn Dr. Aaron Micallef mill-Università ta' Malta, jidentifika liema żoni tal-ilmijiet ksotali ta'Malta huma ta'riksju għall-infrastruttura ta'qiegħ il-baħarm jixirqilhom protezzjoni minn attivitajiet umani jew jipprovdu attrazzjoni għall-għaddasa u b'hekk jikkontribwixxi informazzjoni prezzjuża għal min jippjana l-ispazju tal-baħar.

Aktar investigazzjonijiet jistgħu jitfgħu dawl fuq l-oriġini tas-soċjetà megalitika Maltija u r-rotot ta' migrazzjoni tal-annimali għal siti bħal dawk t'Għar Dalam. Dan l-situdju jagħmel parti minn MAPSCAPE, proġett li jinvolvi lil CNR-ISMAR, iċ-Ċentru Nazzjonali tal-Oċeanografija, lil CNR-IRPI u l-Università ta' Modena u Reggio Emilia.