MaltaRightNow.com sezzjoni: aħbarijiet lokali
aħbarijiet
Punti ewlenin 
Aħbarijiet Lokali
Internazzjonali
Xjenza u Teknoloġija
Arti, Divertiment u Kultura
Kurżitajiet
Ewropa
Qorti
Kunsilli Lokali
Parlament
Għawdex
Features
Ekonomija
Avviżi ELCOM
Librerija
sport
Futbol Taljan
Futbol Ieħor
Futbol Lokali
Futbol Ingliż
Sport Ieħor
In-Nazzjon
Download
Aħbarijiet Lokali

Programmi u uċuħ ġodda fuq Net TV minn Ottubru

Net TV iniedi l-iskeda tal-ħarifa

Matthew BONETT
6 ta' Settembru, 2011  17:54 CET
Bookmark Print page Email page

Għall-ewwel darba, l-attriċi popolari Eileen Montesin se tkun qed ittella' produzzjoni fuq Net TV. Id-drama, bl-isem ta' Deja' Vu se tkun qed tixxandar kull nhar ta' Ħadd fit-8.30 ta' filgħaxija. Wiċċ ġdid ieħor fuq Net TV se jkun Josef Bonello li se jibda' jipreżenta l-kwiżż Kontra l-Ħin waqt li se jkun qed jipreżenta l-programm Bejni u Bejnek, li hu intervista ta' nofs siegħa ma' persuna differenti. Dan il-programm se jkun qed jixxandar kuljum, bejn it-Tnejn u l-Gimgħa fil-11.30 ta' filgħaxija, filwaqt li l-kwiżż Kontra l-Ħin se jixxandar mit-Tnejn sal-Ħamis fis-6.55 ta' filgħaxija.

Dawn huma biss żewġt uċuħ ġodda li se jkollu Net TV fl-iskeda l-ġdida tal-ħarifa li ġiet imnedija illum waranofsinhar fiċ-Ċentru Malti għall-Fieri u l-Konferenzi f'Ta' Qali. Fl-iskeda l-ġdida, hemm numru ta' programmi u uċuħ ġodda li mistennija jikkumplimentaw dawk diġa' stabbiliti li kienu preżenti fl-iskeda li għaddiet. Fost il-programmi li l-udjenza tista' terġa' ssegwi mit-3 ta' Ottubru li ġej, hemm Malta Llejla, ppreżentat mill-aktar preżentatriċi popolari f'pajjiżna Stephanie Spiteri. Malta Llejla se jixxandar kuljum, mit-Tnejn sal-Ġimgħa fil-5 ta' waranofsinhar. Minbarra Deja' Vu, t-telespettaturi ta' Net TV se jkollhom żewġ drama oħra xi jsegwu, La Famiglia li hi produzzjoni ġdida, kull nhar ta' Tnejn fit-8.30 ta' filgħaxija, u Simpatiċi, għal darb'oħra fuq Net TV, iżda din id-darba b'ħin itwal, kull nhar ta' Erbgħa fit-8.30 ta' filgħaxija.

L-aħbarijiet fuq Net TV se jibqgħu kif inhuma bħalissa, jiġifieri bulettini fis-7 ta' filgħodu u fit-7.45 u l-11 ta' filgħaxija, filwaqt li l-aġġornamenti jkunu fis-1 u t-3 ta' waranofsinhar, u fis-6 u fid-9.30 ta' filgħaxija. Programmi b'rabta mal-aħbarijiet fl-iskeda l-ġdida huma Newsroom, kull nhar ta' Tnejn fid-9.35, il-programm News Analysis, kull nhar ta' Ħamis fid-9, kif ukoll il-programm mill-lenti ekonomika Flusek, li se jsir kull nhar ta' Ġimgħa fit-8.30 ta' filgħaxija.

Suġġett ġdid li t-telespettaturi se jkunu jistgħu jsegwu hu dak tal-annimali b'żewġ programmi ġodda u innovattivi. L-ewwel programm, Animal Diaries, se jkun preżentat minn Toni Busuttil u Moira Delia kull nhar ta' Ġimgħa fis-6.55 ta' filgħaxija, waqt li Pack Leader, programm dwar il-klieb se jkun preżentat kull nhar ta' Ħamis fit-8.30 ta' filgħaxija.

Net TV se jkollu wkoll żewġ programmi investigattivi. Prodott ġdid għal Net TV hu l-programm Evidenza li kull nhar ta' Ħamis fid-9.35 ta' filgħaxija, se jkun qed janalizza qtil li ma jkunx ġie solvut f'pajjiżna. It-tieni programm, Quadro, se jkun qed jerġa' jsir għat-tieni sena konsekuttiva kull nhar ta' Tlieta fid-9.35 ta' filgħaxija.

L-aktar programm tad-divertiment segwit mit-telespettaturi żgur li hu l-programm Sas-Sitta, li din is-sena bl-introduzzjoni ta' Janice Darmanin, żgur li se jkompli jżid fl-udjenza tiegħu kull nhar ta' Sibt fis-2.05 ta' waranofsinhar.

It-tfal u ż-żgħażagħ ukoll se jkollhom xi jsegwu fuq Net TV, bi programm ġdid bħal Kwiżż, bi preżentazzjoni ta' Elaine Saliba kull nhar ta' Tnejn fl-3.45, kif ukoll X'Fatt-Art li se jirritorna kull nhar ta' Tlieta ukoll fl-3.45 ta' waranofsinhar. Programmi oħra li kienu suċċess fl-iskeda li għaddiet u se jerġgħu jkunu fl-iskeda l-ġdida huma l-programm Chit Chat, bi preżentazzjoni ta' Janice Darmanin, kull nhar ta' Erbgħa fl-3.45, kif ukoll Crazebook, programm ta' Mat and Nate, kull nhar ta' Sibt fis-6.10 ta' filgħaxija.

Żewġ programmi ġodda li se jkollu Net TV filgħaxija, huma l-programm Miegħek, bi preżentazzjoni ta' Lisa Spiteri u Fr. Karm Debattista, kull nhar ta' Ġimgħa fid-9 ta' filgħaxija, kif ukoll Insiru Nafu Lil..., bi preżentazzjoni ta' Stephanie Spiteri u l-Psikjatra Anton Grech, kull nhar ta' Tlieta fit-8.30 ta' filgħaxija. Il-programm soċjoreliġjuż Uċuħ se jerġa' jkun fuq Net TV, kull nhar ta' Ħadd fil-11 ta' filgħodu.

Matul il-ġimgħa waranofsinhar, Net TV se jkollu numru ta' uċuħ li mdorrijin naraw fuq it-televiżjoni matul dan il-ħin tal-ġurnata, fosthom Louise Tedesco u Hector Bruno, kuljum, f'11.45 se jerġgħu jippreżentaw It-Tnejn 'l Huma. Warajhom, fin-12.30, se jkun hemm il-programm X'Hemm għall-Ikel? li jikkonsisti f'riċetti u pariri għall-kċina.

Fis-1.20 ta' waranofsinhar, imbagħad, mit-Tnejn sal-Ġimgħa se jkun hemm programm differenti. It-Tnejn ikun hemm Mill-Ġuf sal-Iskola minn Monica Attard, it-Tlieta Vitalita' minn Marbeck Spiteri, l-Erbgħa House Magazine minn Carmen Mifsud, l-Ħamis Il-Mara tal-Lum minn Gloria Mizzi, u l-Ġimgħa Afrodite ukoll minn Marbeck Spiteri.

Mix-xena sportiva, din il-ħarifa, Net TV se jkun qed jipreżenta erba' programmi differenti. Programm ġdid u innovattiv għal Net TV hu l-programm Trott u Galopp, kull nhar ta' Tlieta fl-10.30 ta' filgħaxija. Dan il-programm se jkun qed jagħti ħarsa lejn it-tlielaq taż-żwiemel kull ġimgħa, kif ukoll jieħu t-telespettaturi fi stalel differenti. It-tliet programmi sportivi oħra kienu diġa' popolari fl-iskeda li jmiss, jiġifieri Replay, bi preżentazzjoni ta' Christian Micallef, li se jixxandar kull nhar ta' Ħadd fid-9.35, Wheelspin, bi preżentazzjoni ta' Fleur Balzan, kull nhar ta' Ħadd fis-6.55 ta' filgħaxija, kif ukoll SportExtra, bi produzzjoni u preżentazzjoni ta' Charles Camenzuli, ukoll kull nhar ta' Ħadd fil-5 ta' waranofsinhar.

Waqt it-tnedija, kemm il-Kap Eżekuttiv ta' Media.link Communications Paul Borg Olivier, kif ukoll il-Kap tas-Sales u l-Marketing Etienne Mallia faħħru x-xogħol li jagħmlu l-ħaddiema ta' Net TV, waqt li sostnew li s-surveys u r-reklami juru li l-udjenza ta' Net TV qegħda dejjem tiżdied.

Programmi u uċuħ ġodda fuq Net TV minn Ottubru
Aktar aħbarijiet f'din il-kategorija
Charles Mangion jerġa' jsir Membru Parlamentari
Ktieb dwar ir-rulings kollha tal-aħħar sena
L-40 anniversarju tal-Air Malta mfakkar bil-kuluri oriġinali
Il-Partit Nazzjonalista b'reazzjoni għar-rapport tal-Awditur Ġenerali dwar il-Wasteserv
L-Isqfijiet jirreaġixxu għal-liġi tal-Unjoni Ċivili
Punti ewlenin
19:03 Il-Partit Nazzjonalista b'reazzjoni għar-rapport tal-Awditur Ġenerali dwar il-Wasteserv
20:43 L-40 anniversarju tal-Air Malta mfakkar bil-kuluri oriġinali
16:54 L-Isqfijiet jirreaġixxu għal-liġi tal-Unjoni Ċivili
18:08 Mil-lum fiċ-ċinema
iktar aħbarijiet
22:12 Charles Mangion jerġa' jsir Membru Parlamentari
22:06 Ktieb dwar ir-rulings kollha tal-aħħar sena
20:43 L-40 anniversarju tal-Air Malta mfakkar bil-kuluri oriġinali
19:03 Il-Partit Nazzjonalista b'reazzjoni għar-rapport tal-Awditur Ġenerali dwar il-Wasteserv
18:33 Jingħalaq Abu Ghraib
16:54 L-Isqfijiet jirreaġixxu għal-liġi tal-Unjoni Ċivili
16:39 Il-Ministru Joe Mizzi għandu jkun trasparenti fuq it-telf fit-trasport pubbliku
16:18 Holmes ma kienx ittratat kif suppost – il-familja kellha tbiegħ il-propjeta’ biex tiffinanzja l-każ - Id-difiża
16:13 Somalu jerġa’ jispiċċa l-ħabs – din id-darba jisraq arloġġ ta’ €4,000 minn fuq jott
15:57 Protesta minn studenti Libjani quddiem l-iskola Libjana f'Ta' Ġiorni
Editorjal

Tliet voti konsistenti

Tliet voti konsistenti
Opinjoni

Taqbel mad-deċiżjoni tal-Gvern Laburista li jaħżen il-gass fil-bajja ta' Marsaxlokk?

Iva
Le
Ma nafx