Muscat jgħid li Angela Merkel ma tafx x'inhu jiġri f'Malta

Matul din il-ġimgħa, pajjiżna kellu x-xorti li jingħata ċertifikat ieħor eċċellenti mill-Kanċillier Ġermaniza Angela Merkel.

Din id-dikjarazzjoni, iżda, jidher li ma niżlet tajjeb xejn mal-Labour Party. Fil-fatt, waqt programm fuq l-istazzjon nazzjonali, il-Kelliem Ewlieni Laburista Evarist Bartolo qal li Merkel għamlet dik id-dikjarazzjoni għax ma tgħixx f'Malta.

Fuq dawn id-dikjarazzjonijiet, intalab jikkumenta wkoll il-Mexxej Laburista Joseph Muscat – li min-naħa tiegħu, iddefenda lil Evarist Bartolo.

Anke d-Deputy Leader Laburista Toni Abela tkellem dwar dan il-każ.

Angela Merkel tmexxi l-akbar pajjiż u ekonomija fl-Unjoni Ewropea, il-Ġermanja – pajjiż li bħal Malta, minkejja r-riċessjoni internazzjonali li kissret bosta ekonomiji fl-Ewropa, baqa' miexi 'l quddiem.