Robert CREMONA
12 ta' Jannar, 2013
16:59 CET |
Lesti niggarantixxu futur fis-sod għal Għawdex – futur mibni fuq ix-xogħol, is-saħħa u l-edukazzjoni.
Hija din l-istqarrija kategorika u qawwija li għamel il-Prim Ministru Lawrence Gonzi waqt żjara li għamel f'Għawdex fl-impjant tal-kumpanija RA & Sons. Bil-Prim Ministru jgħid li x-xogħol għall-Għawdxin huwa prijorita' tal-Gvern fil-leġislatura l-ġdida.
Fejn jidħol il-qasam tax-xogħol, Lawrence Gonzi fakkar kif skemi bħall-MicroInvest kienu suċċess fl-aħħar snin u wasslu biex gawdew 1,700 negozju li bejniethom iffrankaw €11.5 miljun. Dawn investew €35 miljun u ħolqu 600 impjieg li kwart minnhom inħolqu f'Għawdex.
Lawrence Gonzi kien qed jikkummenta fi tmiem żjara li għamel f'dan l-impjant fix-Xewkija immexxi minn imprendituri Għawdxin – kumpanija li taħdem fil-qasam tal-kostruzzjoni, u li tipproduċi żebgħa fis-suq lokali.
Ritratt: Lorne Cremona
|
sezzjoni: Għawdex
Ċentri tas-saħħa
