Ray ABDILLA
10 ta' Jannar, 2013
14:38 CET |
Tnejn mill-erba' rakkomondsazjoniet li saru mill-President tal-Inkjesta tal-Forzi Armati ta' Malta wara l-mewt ta' Gunner Matthew Psaila ġew fis-seħħ. Dawn kienu t-test tal-għawm u risk assessment.
Dan ħareġ mix-xhieda ta' Mario Borg, li huwa Logutenent Kurunell mal-Forzi Armati ta' Malta u li kien il-President fl-inkjesta li saret minn naħa tal-armata. Dwar dan l-inċident li seħħ fi Frar tal-2009, meta Matthew Psaila kien miet mgħarraq fiċ-Chadwick Lakes kienu saru tliet inkjesti, waħda mill-Prim Ministru, inkjesta Maġisterjali u l-Armata.
Il-kumpilazzjoni tal-każ kompla quddiem il-Maġistrat Audrey Demicoli fejn il-Logutenent Christian Vella ta' 30 sena minn Ħaż-}abbar u Lance Bombardier Marvic Peregin ta' 34 sena minn Pembroke qegħdin jiġu mixlijin bi qtil involontarju fil-konfront ta' Gunner Mattew Psaila ta' 19-il sena minn Ta' Xbiex. Il-każ seħħ fit-13 ta' Frar tal-2009 waqt eżerċizzju militari.
Mario Borg qal li huwa ilu jaħdem fl-armata għal dawn l-aħħar 24 sena u fi Frar tal-2009 kien Kmandant tat-Tielet Reġiment fejn kellu x'jaqsam ma' xogħol ta' loġistika u sapport. Hu qal li minn dak iż-żmien kien ilu jagħmel diversi suġġerimenti biex tifetaħ fergħa dwar is-sigurtà u s-saħħa fuq il-post tax-xogħol.
Dan ukoll fid-dawl li f'Mejju tal-2005 huwa kien appuntat uffiċjal dwar il-Health and Safety wara li kien ġab diploma f'dan ir-rigward f'Mejju tal-2005.
Huwa qal li għall-ewwel it-talbiet tiegħu ma kienux intlaqgħu għax għal armata s-suġġerimentio li kien għamel ma kienux ta' priorità, iżda wara li kien għamel diversi suġġeriment verbalment, hu kien baqa' jagħmel dawn is-suġġerimenti bil-miktub.
Il-Logutenent Kurunell Mario Borg qal li huwa kien għamel policy fuq is-Saħħa u s-Sigurtà f'Ottubru tal-2008 u biex din tiġi pubblikata mal-Armata kollha. Tenna li l-fergħa dwar is-Saħħa u s-Sigurta' fuq il-post tax-xogħol kienet infetħet f'Diċembru tal-2010, wara l-inċident ta' Gunner Matthew Psaila.
Huwa qal li l-policy paper li kien għamel dak iż-żmien sal-lum għadha ma ġietx implimentata, imma ta' lanqas daħlu fis-seħħ it-test tal-għawm u r-risk assessment.
Ix-xhud qal li l-akkużati m'għandhom l-ebda rabta mal-policy making għax din hija totalment f'idejn il-Kwartieri tal-Armata. Mistoqsi mill-Ispettur Robert Vella jekk kien hu l-unika wieħed fuq Health and Safety fl-armata, Borg qal li fl-ewwel reġiment kien hemm ċertu Chris Attard. Il-każ ikompli l-Ħamis, 21 ta' Frar li ġej.
|
sezzjoni: Mill-Qorti
Ċentri tas-saħħa
