foreign@maltarightnow.com
30 ta' Lulju, 2010
18:04 CET |
Il-Prim Ministru Taljan Silvio Berlusconi ma jridx ikollu aktar x'jaqsam mal-ispeaker Gianfranco Fini li sa ftit ilu kien wieħed mill-akbar alleati tiegħu. Hu talab lil Fini biex jirriżenja mill-kariga tiegħu iżda dan irrifjuta. Fini u Berlusconi kienu waqqfu flimkien il-partit Popolo della Liberta', li issa jinsab maqsum.
Minkejja li Berlusconi qal li l-koalizjoni tal-Gvern se tibqa' intatta, uħud mill-membri parlamentari tal-partit tiegħu li qed juru simpatija lejn Fini qalu li m'għadhomx iħossuhom parti mill-Partit tal-Liberta' u dan qed iwassal għal firda fil-partit. B'hekk l-Italja tinsab mill-ġdid f'nofs inċertezza politika u f'riskju ta' elezzjoni ġenerali bikrija.
Id-diżgwid bejn Berlusconi u Fini dan l-aħħar kompla jikber meta Fini beda jinsisti li dawk il-politiċi li jitressqu l-qorti għal xi raġuni għandhom jirriżenjaw. Silvio Berlusconi nnifsu kien involut f'diversi każi ta' allegat korruzzjoni iżda dejjem kien liberat. Il-Partit tal-Liberta' ilu mwaqqaf mis-sena l-oħra, meta l-partit Forza Italia ta' Berlusconi ingħaqad mal-partit ta' Fini.
|
