Daniela BARTOLO
30 ta' Lulju, 2010
21:12 CET |
Ninsabu ottimisti li wara dak li diġa' tħabbar, se nkomplu nattiraw aktar investiment mill-kumpanija ST Microelectronics lejn l-impjant li għandha f'Malta.
Hekk sostna ma' dan is-sit Tonio Portugese, Direttur tal-impjant f'Malta f'reazzjoni għall-iżblokk fid-diskussjonijiet b'rabta mal-preżenza tal-kumpanija f'Malta liema kumpanija timpjega b'mod dirett 1,500 ruh u b'mod indirett aktar minn 2000 ruħ.
Portugese sostna li d-diskussjonijiet li l-Gvern u l-ST kellhom f'dawn l-aħħar 3 snin kienu b'rabta mal-viżjoni tal-ST għall-impjant tagħha f'Malta:
Diskussjoni wkoll dwar il-prezz tal-enerġija kif ukoll dwar l-ispejjeż ta' produzzjoni peress li l-pagi f'Malta huma ferm ogħla minn dawk ta' kompetituri fosthom l-Asja. Tony Portugese fisser kif kien kruċjali li l-ħaddiema Maltin jaċċettaw il-pakkett imressaq lilhom b'kundizzjonijiet ġodda.
Żied li dan kien kruċjali biex Malta tibqa' titqies kompetittiva.
|
