''Partit li jinvesti fil-futur tiegħi u jipprovdili l-mezzi biex nirnexxi''

"Fl-elezzjoni ġenerali se nivvota biex ikun assigurat il-futur tiegħi ... Inħoss li ħtaft opportunitajiet li s'issa kelli disponibbli u għalhekk jien eċitat għall-futur tiegħi. Se nivvota lill-Partit Nazzjonalista għax nemmen lill-PN biex jinvesti fil-futur tiegħi u jipprovdili l-mezzi biex nirnexxi."

Din hi d-dikjarazzjoni ta' Matthew Fenech, student tal-mediċina ta' 21 sena, li fl-elezzjoni tad-9 ta' Marzu li jmiss se jkun qed jivvota fl-ewwel elezzjoni ġenerali tiegħu.

"Bħala student tal-mediċina kont fortunat li nista' nsiefer u naħdem f'pajjiżi differenti. L-esperjenzi tiegħi barra minn Malta jistgħu biss isaħħu l-apprezzament tiegħi għall-istil assigurat ta' ħajja fil-pajjiż taħt it-tmexxija tal-Partit Nazzjonalista. Il-faċilitajiet tas-saħħa f'malta huma pjuttost formidabbli, partikolarment meta mqabbla mas-servizzi tas-saħħa pubbliċi barra minn xtutna."

Id-dikjarazzjoni ta' Matthew Fenech hi biss waħda minn għadd kbir ta' dikjarazzjonijiet u testimonjanzi ta' nies ta' kull età, minn diversi kategoriji tas-soċjetà Maltija, li jispjegaw għalfejn se jkunu qed jivvutaw bil-mod li se jivvutaw.

It-testimonjanzi huma parti mis-sit www.mychoice.pn, sit imniedi mill-ġdid mill-Partit Nazzjonalista ftit tal-jiem ilu, b'kontenut kemm bil-Malti u bl-Ingliż, b'bosta paġni ta' informazzjoni dwar il-ħidma tal-Gvern, aħbarijiet marbutin mal-kampanji elettorali, u servizzi oħra.